Details

Warlyna 2011 John Knill kovhes – Kernewek

Warlyna John Knill kovhes arta y’n gis unnik

Dy’Lun pympes warn ugens Mis Gortheren y hwelis ynwedh arta kovhes bywnans John Knill, kyns Mer ha Tollwas Porthia dhe’n solempnita a wra passya pub pymp blydhen herwydh gorhemmynow y destament eev y honan.

Yth esa ragwel an den mas y honan re furvyas gis unnik an hwarvos a wra tenna pupprys bush bras yn unn lowenhe ha gwitha yn fyw y hanow ev.

Y talleth an jydh gans kewer ansur myttinweyth mes yn Porthia hi honan yth esa teg hag ewn rag gul talas dhe’n dhonsoryon, an gwedhwesow, an krowder hag Arloedh an Solempnita. Pan veu gorfennys an talasow na an dhonsoryon a lywyas Bagas Knill dres stretow an dre bys ha’n treusporth esa ow kortos rag aga hemmeres dhe Vre Worvas ha Tour Knill.

Myttin, ha’n niwl gyllys glan y tallethas an solempnita yn dann an tour a vynnsa Knill dhe vos y bowesva dhewettha. An dheg mowesi byghan a dhonsya a dro dhe’n tour wosa Harding Laity re dhynnarghsa pubonan ha styrya an hwarvos. Kenys gans onan hag oll an kansves salm dell veu gorhemmys, kyns an fydhyadoryon dhe gesjunya an myrghes rag an nessa dons. Hag ena govynn rag an fydhadoryon; “A wrussens gorhemmynow John Knill kowlwrys ?” dell worthybis onan a’n tri fydhyador; “Gwrussens !”

Warlyna 2011 John Knill kovhes - Kernewek

Warlyna 2011 John Knill kovhes – Kernewek

Comments are closed.